STAFF.AM ANNUAL GALA 2025 | STAFF.AM ԱՄԵՆԱՄՅԱ ԳԱԼԱ 2025

✨ Ներդաշնակությու՜ն… ընդամենը մեկ բառ, որում ամփոփված է հույզերի մի ամբողջ բույլ, և որը հասկանալի ու հարազատ է բոլորին. այն միավորում է ժամանակաշրջանները, ավանդույթները, մշակույթներն և ամենակարևորը՝ մարդկանց։

Մեծ ոգևորությամբ կիսվում ենք մեր համայնքի համար տարվա ամենասպասված միջոցառման մանրամասներով։ «STAFF.AM Gala 2025»-ն այս տարի կրում է «A Century of Harmony»՝ մեկ դար ներդաշնակություն խորագիրը՝ ոգեշնչված Հայաստանի ազգային ֆիլհարմոնիկ նվագախմբի՝ այս տարի նշվող հարյուրամյա հոբելյանով։
Անչափ հագեցած օրակարգն էլ կառուցել ենք մշակույթի, գիտության և բիզնեսի ներդաշնակության շուրջ՝ հարազատ մնալով միջոցառման խորագրին։

🎶 Դեկտեմբերի 13-ին հանդիպելու ենք հայկական ամենախորհրդանշական մշակութային օջախներից մեկում՝ Արամ Խաչատրյան համերգասրահում, իսկ միջոցառման բացմանը պատիվ կունենանք վայելելու Հայաստանի ազգային ֆիլհարմոնիկ նվագախմբի գեղեցիկ կատարումները։

«STAFF.AM Gala 2025»-ը կդառնա մինչ այժմ կազմակերպված մեր ամենամասշտաբային միջոցառումը և մեկ հարկի տակ կհավաքի 300-ից ավելի գործընկերների, ավագ օղակի ղեկավարների և մեր համայնքի ներկայացուցիչների։ Գալան մեր լավագույն ձևաչափն է կիսվելու տարվա ձեռքբերումներով, նորություններով և գալիք նախաձեռնություններով մեր սիրելի համայնքի հետ։

💚 Շատ շուտով կկիսվենք օրակարգով և գրանցման մանրամասներով, իսկ մինչ այդ առաջարկում ենք վայելել մեր նախորդ՝ «STAFF.AM Gala 2024»-ի լավագույն պահերը՝ https://staff.am/staffmedia/staff-am-gala-2024